advertisement ads
24 ساعةنافذة الرأي

عادل آيت بوعزة يكتب..ها أش وقع البارح من ترياب في دوار شعوف بالمحاميد

بزاف ديال الناس سولوني على شنو وقع لبارح في دوار شعوف من هدم و ترياب ديال دور سكنية كاين لي فيها من 1976 كما جاء في إحدى التصريحات لأحد المواقع الإلكترونية.

لي وقع لبارح ان واحد الجزء من دوار شعوف ، و بالضبط لي قريب من مدرسة الادارسة تم الهدم ديالو و هذا الجزء فيه بعض المنازل التي لا ترقى لمستوى العيش الكريم و كاين ” شاطو” ديال الماء ، لي تلاحت عليها واحد العصابة ديال البناء العشوائي و بنات فيه بعض بعض الديور في الظلام و باعتها لناس في السنوات الماضية ..

لي وقع البارح ان السلطات المحلية علمات ساكنة الدوار قبل شهرين بعملية الهدم مقرونة بالتعويض ، و تم التعويض ديال هذا الناس ببقع أرضية و ݣاع الناس لي تعوضوا راضيين على العملية ، بإستثناء الناس لي ما ستافدوش، و هما في الغالب الناس لي شراو العشوائي في السنوات الماضية و بغاو التعويض … لكن الاحصاء داز في وقتوا و الساعة لا ترجع للوراء .

شنو المصلحة من هذا الهدم و علاش خاصو يكون :

اولا : لأن الناس مكرفسين في المعيشة و أغلبية الناس لي ساكنين تما بغاو إما التعويض او إعادة الهيكلة .. و يفضلون التعويض في أغلب الأحيان و يريدون ذلك في أقرب الأوقات مما هو الحال بالنسبة لبعض الدواوير الاخرى .

ثانياً : الطريق لي كاينة تما عندها بعد إستراتيجي في السير و الجولان ديال المنطقة ، لكن الطريق ضيقة بزاف و بالكاد كايدوزو منها جوج سيارات فالمصلحة تقتضي التوسعة ديال الشارع في أقرب الأوقات .

ثالثا : السيدة العمدة فاطمة الزهراء المنصوري عندها واحد المشروع طموح على مستوى محاربة دور الصفيح في مدينة مراكش و عندها رهان ديال مدينة مراكش خالية من دور الصفيح في 24 شهر … و السرعة مهمة في هذا الموضوع ، حقاش يمكن في كل نهار كايتزاد مشكل على المشاكل لي كانوا .. و التصفية ديال هادشي غادي و كتصعاب مع الوقت .

هاد الموضوع ديال الدواوير مشبك ، حقاش ماشي كلشي عندو نية حسنة فيه ، و ماشي كلشي نزيه و ماشي ݣاع الملفات متشابهة ، لكن هذا العمل في جميع الأحوال خاصو يكون و بسرعة ماشي باش يحيدو الناس من ديورهم ، لكن باش يحفظو الكرامة ديالهم في سكن لائق …

مقالات ذات صلة

زر الذهاب إلى الأعلى
error: المحتوى محمي من النسخ